1.
Gün gələcək 60 yaşında biri kimi görünəcək və 18 yaşındakı kimi hiss edəcəksiniz. Görəsən necə olacaq?
“ Doslarımla aramızda bəzi münaqişələr var.”
“Niyə ki?
“Məncə, hamımız artıq hərkəsin bir-birinin arxasınca danışdığının fərqinə vardığımız bir yaşdayıq”
3.
“Mən Mişel Obama ilə şəkil çəkdirmişdim, amma onlar
şəkli mənə vermədilər. Heç kim də mənə inanmır!”
4.
“O dəfə Saks Fifth Avenue-da idim və liftə mindim. Liftdə bir qadın varidi. Qadın artıq 7-ci mərtəbəni seçmişdi. Lakin məni liftdə görən kimi, liftdə 2-ci mərtəbəni seçdi”
“Bəs bu sənə necə təsir bağışladı?”
“Oraya aid deyilmişəm kimi bir hiss.”
5.
“Həyatda öz yollarını tapmaq üçün uşaqlarıma kömək etməyə çalışıram.”
“Bunu edərkən qarşılaşdığın ən çətin şey nədir?”
“Müvəffəqiyyətsizliyə uğramalarına icazə vemək.”
6.
“Doktorluq dərəcəm ( PhD) üzərində işləyirəm. Bütün diqqətim poeziyaya cəmlənib.”
“Elə isə yaxşı bir şeiri necə xarakterizə edərdin?
“Oxuyub bitirdikdə fərqli bir insan oluramsa, demək ki yaxşı şeirdir.”
7.
“Əgər saqqalın varsa, insanlar ağzında bir dənə belə
dişin olmadığını gec hiss edirlər.”
8.
“ 20 yaşım olanda plan qurdum ki, yaxşı bir iş tapım və
bununla özümü qarantiyaya alım. İndi isə 35 yaşım var və xoşbəxt ola bilmək
üçün bir plana ehtiyacım var”
9.
“Nənəm mənə necə rəsm çəkməli olduğumu öyrətdi.”
“Sənə rəsm çəkməklə bağlı öyrətdiklərindən birini deyə bilərsənmi?
“Hətta kağız üzərində cızma-qara belə etmiş olsan, əgər düzgün səmtdən baxsan onu küləyə və ya ağaca çevirə bilərsən.”
10.
“ Uşağını 'yox' cavabına alışdırmaq vacibdir. Mən onu həyatın ona deyəcəyi 'yox'-lara hazırlayıram. “Bəs həyat sənə nə vaxt yox deyib?”
“Mən Harlemdə böyümüş Afro-Amerikan qadınam. Həyat mənə elə bünövrədən 'yox' deyib. İş sahibi olmaq istəyəndə həyat mənə 'yox' deməyə çalışdı. Amma indi mənim üç işim var.”
11.
“Enerjimi qoruyub saxlamağa çalışıram.”
“Yəni nəyi nəzərdə tutursuz?”
“ Hər kəs başqalarına qarşı çıxmaqla öz enerjisini tükədir. Onlar 'Mən bunun əleyhinəyəm' və ya 'Onun əleyhinəyəm' deməyi xoşlayırlar. Səhərlər yuxudan qalxanda çoxlu dualar edirəm. Lakin hər zaman etdiyim bir dua var: 'Tanrı, kömək edə biləcəyimi birini göndər mənə'"
12.
“ 17 yaşım olanda Yunanıstandan köçkün olaraq bura
gəldim və marketdə işləməyə başladım. Atama, anama kömək olmaq və qardaşımı
kollecə qoymaq üçün çox işləyirdim. İndi uşaqlarımın hər bir şeyi var amma heçnəyin
qədrini bilmirlər. Siz Amerikanlar uşaqlarınızı 18 yaşı olan kimi özünüzdən
ayırırsınız. Yəqin ki bu yaxşı bir şeydir. Amma biz belə edə bilmirik, çünki
biz Yunanıq. Onla evlənənə qədər bizimdirlər.”
13.
“Arvadımla mən 16 ildir ki evliyik.”
“Uşaq filan?”
“Yox.”
“Nəsə xüsusi bir səbəbi var?”
“Sadəcə heç vaxt uşaq sahibi olmaqdan əmin olmamışam. Həmişə də fikirləşmişəm ki ən yaxşısı belə ciddi bir qərar haqqında nə fikirləşmək lazımdır nə də səhv etmək. Özümü tamamlamaqda və arzularımı həyat keçirməkdə bu narahatlıq məni heç vaxt rahat buraxmayıb. Uşaqları sevirəm. Dostlarımın uşaqlarını da çox sevirəm. Sadəcə fikirləşə bilmirəm ki, mənim həyatımda uşaqlar üçün bir otaq var. Tanıdığım bir çox valideyn düşünür ki, uşaq sahibi olmamaq eqoistcəsinə qəbul olunmuş bir qərardır. Lakin, elə bu valideyinlərin bir çoxu, adətən iki və ya üç bakal pivədən sonra mənim azadlığıma necə həsəd apardıqlarını deyirlər.”
14.
“Həbsdən bir ay əvvəl çıxmışam.”
“Niyə görə həbs olunmuşdun?”
“Narkotik satışına görə.”
“Bəs indi azadlıqdasan, nə işlə məşğulsan?”
“Çalışıram ki adi Co (Joe) olum. Çətindir. Çoxlu pulu olmağa öyrəşmiş biriyəm, indi isə bir çöp belə ala bilmirəm. Heç kim məni işə götürmək istəmir. Tatuirovka etdirmişəm. Adıma cinayət işi var. Elə hiss edirəm ki, nəhəng bir çuxurdayam və bu çuxurdan necə çıxacağımı bilmirəm.”
15.
“ Hansısa uşağın mənə baxdığını görmək həyatımın ən sevimli anıdır. Onun gözlərindəki ifadədən anlayıram ki, o musiqiçi olmaq istəyir. Dünən saçı Mohawk stilində olan bir uşağa baraban ağacı verdim.Üzündə ki həyəcandan sizə deyə bilərəm ki, musiqiylə məşğul olduğu müddətcə onun nə narkotikə nə də ki alkoqola ehtiyacı olacaq.”
_______________________________________________________________
Şəkillər və yazılar Humans of New York facebook səhifəsindən götürülüb.
Tərcümə etdi: Ehtiram Müzəffərli
No comments:
Post a Comment